SAM 128 - Khumi Common Language Bible

Areng i leu tangai naichi i vui kawn vang

¹ Areng ai tahm khai iy mymy i leu pei naichi tangai naimy heng nai khumichi ly taham hawi.

² Nang ly nangmy i kiu hawi kalop sa naimy kajeu kawi ai; nang ly amo theu iy nang chawn ai.

³ Yhm angtheung y nang i aju ly athai pasu nai kreip keung kamta py, sabawi kamki ateh nai nang i cho chanauchi ly ui yb nai olive keung-lochi kamta py lawn u ai.

⁴ Areng i leu tangai nai khumi ly hinai kamta, amtheaung naira nga takengkei ai.

⁵ Areng ly Zion mawi salo i dengdairei, nang ai amtheaung hai sy! Nang ly heng nai sala ryrei, Jerusalem mary i sareaung hawi naichi niu sy!

⁶ Nang ly katuchi niu nai pa-rei heng sau sy! Israela chengchi ly tlamsa naira ngo u sy!