SAM 126 - Khumi Common Language Bible

Atleura nga ai nai chiu sa nai

¹ Achi ai Jerusalem mary y ang pahawi ali teang nai ly amang kamta ne!

² Achi ly khrikhri pa-rei panui u iy, amo theu naimy khulym thui ai nai nga u bo! Huna nai khala takhra khumichi my, “Areng ly hini khumichi i vui nang parai nairachi sa pi na a,” nanai thui u bo.

³ Mymy ly achi i vui nang parai nairachi ang sa pi khyp nai ne; achi ly khri pa-rei amo theu u na a!

⁴ Aw Areng, kanitui ly tui kang nai tavo micheaungchi ai tui kawi hai teang nai kamta, kaichi ai nang chawn ai nai pei ali teang kyh ba.

⁵ Mei katui tla naimy amti amjang pati nai khumichi ai ly amo theu parai naimy amti amjang pakym achu ai nai pei pi kyh ba!

⁶ Mei katui tla naimy ti syn nai khumichi ly amti amjangchi syn iy amo theu parai naimy khulym thui nai tarawi y vawi u ali teang ai.