SAM 125 - Khumi Common Language Bible

Tameuh i khumichi vui chymme naira

¹ Areng ai ym nai khumichi ly mana khala py asyh pajau y nai khaw jojo nai Zion mawi kamta lawn u bo.

² Mawichi ly Jerusalem mary ai taki teungtareung nai kamta, Areng ly vai i dengdairei deungtasa khrairei, mymy i khumichi ai taki teungtareung naimy awm bo.

³ Khumi aso y naichi ly khumi kahawichi i pri y, peang jojo ai nai ngo y ai; huna nai peang u lawh baly khumi kahawichi malawn py, hawi y naira sa tan sa u lym ai.

⁴ Aw Areng, khumi kahawi, nang i leu pei nai tangai nai khumichi teng y hawi naira so pi kyh ba.

⁵ Na i py khumi aso y naichi ai pajeng nai khala y, nang i lam khai su nai khumichi ai py kamngo pajeng ba. Israela chengchi ly tlamsa naira ngo u sy!