SAM 124 - Khumi Common Language Bible

Mymy i khumichi ai ama hai nai Tameuh

¹ Areng my achi mang y awm pi y lawh ai nabaly, mana sa ai mo? aw Israela chengchi awi, pathang u!

² Achi ai paleung ka-echi my ang tiu nai thym khala y, Areng phai achi mang y awm pi y lawh ai nabaly,

³ nichi ly khrikhri pa-rei kado theu u iy, achi ai kangheng tang my ang pajawm pawn ai.

⁴ Hunaibaly achi ly tui leaung nai kamrawi y amjau baw iy, tui my achi ai um meuh vui ai.

⁵ Achi ly tahawi ho nai tuiry kamrawi y anum u ai.

⁶ Achi ai paleung ka-echi my tama hai ai nai pei y nai Areng ai kawn u sina.

⁷ Achi ly mawi sara i deaung y man ai naira i tleaung nai tavo kamta, deira i nai lawira nga u bo; deaung vui leu iy achi tleaung u bo.

⁸ Achi ai sabawm naira ly kani hawi khaileaung ai sa nai keung Areng teng i nga u nai ne.