SAM 123 - Khumi Common Language Bible

Pahen naira nga ai nai chiu sa nai

¹ Aw Areng, nang i peang nai kani pri mang y, kai ly khen angdeang bo.

² Miseaung ly my i yhmkeung ai py, miseaungnu ly my i yhmkeungnu ai py, ym nai kamta kaichi ly kaimychi Areng Tameuh teng i pahen naira ngo y ryrei ly nang ai khen angdeang naimy awm jo ai.

³ Kaichi ly khrikhri pa-rei khumi aniu y nai sai avum u bo; huna nai y kaichi ai pahen kyh ba; aw Areng, kaichi ai pahen kyh ba.

⁴ Kaichi ly khumi kanangchi i panui hai nai py, paleung len amlyh nai khumichi i mei aniu y nai py, avum nai ly kra bo.