SAM 122 - Khumi Common Language Bible

Jerusalem mary ai palo nai

¹ Nichi my, “Achi ly Areng i yhm y chei u sina,” nanai thui nai khala y, kai ly amo theu parai nai ne.

² Naibaly vai kaichi ly Jerusalem mary katheu pa-kho theung mang y angdo naimy awm u bo!

³ Jerusalem mary ly apu parai pa-rei my sa palum teang nai mary ne.

⁴ Hini mary ly Areng my leu pei nai kamta, mymy ai kawn naimy palo ai nai Israela cheng theaungchi angym achu nai meingtym ne.

⁵ Hini mary ly Israela samrangchi peang iy, mipuichi ai tara chih nai meingtym ne.

⁶ Jerusalem mary tlamsa ai nai molam chiu sa nai ly “Nang ai tamen nai khumichi ly nang u sy.

⁷ Nang i mary apaichi theung y tlamsa naira awm iy, nang i samrang yhmchi theung y py, chymme naira awm sy,” napi.

⁸ Kai ly amjo amnauchi hawi, ahawichi molam y Jerusalem mary ai, “Nang teng y tlamsa naira awm sy!,” napi.

⁹ Achi i Areng Tameuh i yhm molam y, nang i vui nang chawn naira nga ai nai chiu sa pi nai ne.