SAM 121 - Khumi Common Language Bible

Achi ai ama hai nai keung Areng

¹ Kai ly mawichi mang y khen angdeang bo; kai ly ma mang i nai sabawm naira nga ai mo?

² Kai ai sabawm ai nai ly kani hawi khaileaung ai sa nai keung Areng teng i dengdairei nga ai.

³ Mymy ly nang ai atleu iy atlym hai ai ny y; nang ai ama hai nai keung ly i vai y leang.

⁴ Israela chengchi ai ama hai nai keung ly mana khala py i ngym vai y leang.

⁵ Areng ly nang ai ang kry ai; mymy ly nang i sahawi y awm nai nang ai ama hai nai ka-khui ne.

⁶ Kanito ly kanithun khala py, lo ly vum khala py, nang ai no pei ai ny y.

⁷ Areng ly ka-jeira bawibawichira i nai nang ai ama hai ai; nang ai chymme naimy ang khai ai.

⁸ Mymy ly nang i chei naira tleirei y vai i dengdairei deungtasa khrairei ama hai ai.