SAM 120 - Khumi Common Language Bible

Sabawmra nga ai nai chiu sa nai

¹ Kai ly patang naira avum nai khala y Areng ai kapalau i, mymy ly pathang pi bo.

² Aw Areng, ka-chawi thui reng naichi hawi tapawp hyp reng nai khumichi kiu i nai kai ai atleu kyh ba.

³ Nangchi ka-chawi thui reng nai khumichi awi, Tameuh my nangchi ai ati ang sa ai mo? Mymy ly nangchi ai ati mana ang pajeng ai mo?

⁴ Risachi i chiu parai nai thailiho chyn hawi py, aai-jo nanai mai-aichi hawi py, ang pajeng ai!

⁵ Kai, nangchi hawi awm nai ly Mesheka pri y awm nai kamta py, Kedarkhumichi hawi vanrei awm nai kamta py, hawi y keh nai ne.

⁶ Kai ly tlamsa naira ai niu ngai y nai khumichi hawi awm nai ly kra parai na bo!

⁷ Kai ly tlamsa nai satang thui nai khala y, nichi my tavai atiu ai nai thui u lawh nai ne.