SAM 113 - Khumi Common Language Bible

Areng i hawi nai sai ai palo nai

¹ Areng ai palo u! Nangchi Areng i miseaungchi awi, mymy i amyn palo u!

² Mymy i amyn ai vai i dengdairei, deungtasa khrairei palo u sy.

³ Kani kasi mang dengdairei, kani kadym mang khrairei Areng i amyn palo u sy!

⁴ Areng ly khumi cheng cheaungkhangchi ai peang nai ne; mymy i nang parai nai phum-ang ly kani khusang salo y angvang bo.

⁵ Hu y achi i Areng Tameuh hawi pata pajau nai keung leaungrei py by y. mymy ly salo keh y awm nai ne.

⁶ Na i py mymy ly kani hawi khaileaung ai khen kathiu bo.

⁷ Mymy ly khumi kamawnchi ai spryh theung i dengdairei tahm pasang iy, kamawn katichi ai anyn cheaungnawi theung i nai pasang bo.

⁸ Naibaly samrang i chapochi napi nai, mymy i khumichi ai peang nai samrang i chapochi hawi vanrei, amkawm ahawi ai nai pei nai ne.

⁹ Mymy ly teng nai neampachy ai tahm pasang i, cho chanauchi nga hai iy amo theu hai bo. Areng ai palo u!