SAM 110 - Khumi Common Language Bible

Areng hawi mymy i vawi takhra nai samrang

¹ Areng my, “Kai ly nang i paleung ka-echi ai nang i kheu khaira lawn hai ai; huna nai lawm y ryrei ly kai i lamtang mang y ateh,” nanai kai i Areng teng y leu pei bo.

² Areng ly nang i sa thai naira ai Zion mary i dengdairei, meingtym tleirei y tym pa-rei khaw hai ai. Mymy ly nang ai, “Nang i paleung ka-echi ai peang ba,” nanai leu pei bo.

³ Paleung ka-echi ai nangmy tiu nai kani y, nang i khumichi ly alyly naimy, nang hawi vanrei thau u ai. Khawn mang y tla nai kadam kamta, atho awm nai khumi ka-cheang neangneangchi ly nang i awm nai mawi kachai salo y ang tym u ai.

⁴ “Nang ly pathyp pi nai keung kalen keh Melkhizedeka kamta, deungtasa pathyp pi nai keung lawm ai,” nanai Areng my vaineng abeu iy adeu pi nai ne i, huni adeu nai ly phra ai ny y.

⁵ Areng ly nang i lamtang mang y awm; kado theu nai kani y mymy ly samrang bawibawichi ai patheu ai.

⁶ Mymy ly khumi cheng cheaungkhangchi ai tara chih ai i, tavai atiu nai meingtym y khumi kadeichi kawi hai ai; khaileaung pri verei y awm nai samrangchi ai pasum ai.

⁷ Samrang ly lamteng i micheaung tui nei naimy, atho awm teang ai i, eaung naira nga ai.