SAM 11 - Khumi Common Language Bible

Areng ai ym nai

¹ Kai ly Areng teng y abyh bo. Pri amrip sup naira by y nai khala y, “Tavo kamta mawi salo mang y akheang ba;

² ati mana nai mo nabaly khumi hawi y naichi ly khumi kahawichi ai ko ai nai o iy, thailiho a-eaung yb bo.

³ Khumi kahawichi ly ati sai py so thai y leang,” nanai kai teng y nangchi my thui u nai ly khri pa-rei akhum na ly.

⁴ Areng ly Achura yhm kachai theung y awm; mymy i areng atehra ly kani pri mang y awm. Mymy ly khumi bawibawichi ai khen patawm iy, nichi i sa nai leaungsaichi pany pi.

⁵ Mymy ly khumi kahawi ai py, khumi hawi y nai ai py, chih pi nai ne. Leu meitang teaung y naimy sa nai khumichi ai pipi niu ngai y.

⁶ Mymy ly khumi hawi y naichi i tlang tleaung y mai-ai akawichi py, ango parai nai mai kangveaung py tla hai bo; nichi ai khri pa-rei angngo nai ali kabi hawi kamngo pajeng nai ne.

⁷ Areng ly hawi nai ne i, kahawi sa nai khrei; kahawi sa naichi ly mymy i meimai niu u ai.