ATITI AWM ANGCHEI NAI 5 - Khumi Common Language Bible

Adam i kangpreangchi

¹ Hini ly Adam i kangpreangchi ne. (Tameuh my khumi ai sa nai khala y mymy ka-tawm khyp sa.

² Mymy ly neampacho hawi neampachy ai sa i amtheaung hai iy, “Khumi,” nanai amyn pei bo.)

³ Adam ly saneng 130 rei khala y mymy i mo-cha atawm khyp nai chapo nga bi i amyn ly Setha, nanai pathi.

⁴ Huni bo y Adam ly saneng 800 rei heng i, mymy ly cho chanau nga asai rai.

⁵ Naibaly Adam ly saneng 930 rei khala dei nai ne.

⁶ Setha ly saneng 105 rei khala y chapo Enosh ai sa;

⁷ mymy ly saneng 807 rei heng nai bo y cho chanau nga asai rai;

⁸ mymy ly saneng 912 rei khala dei.

⁹ Enosh ly saneng 90 rei khala y chapo Ka-inan ai sa;

¹⁰ mymy ly saneng 815 rei heng nai bo y cho chanau nga asai rai:

¹¹ mymy ly saneng 905 rei khala dei.

¹² Ka-inan ly saneng 70 rei heng nai khala y chapo Mahalalel ai sa;

¹³ mymy ly saneng 840 rei heng nai bo y cho chanau nga asai rai;

¹⁴ mymy ly saneng 910 rei khala dei.

¹⁵ Mahalalel ly saneng 65 rei khala y chapo Jared ai sa;

¹⁶ mymy ly saneng 830 rei heng nai bo y cho chanau nga asai rai;

¹⁷ mymy ly saneng 895 rei khala dei.

¹⁸ Jared ly saneng 162 rei khala y chapo Enoka ai sa;

¹⁹ mymy ly saneng 800 rei heng nai bo y cho chanau nga asai rai;

²⁰ mymy ly saneng 962 rei khala dei.

²¹ Enoka ly saneng 65 rei khala y chapo Methusela ai sa.

²² Huni bo y mymy ly Tameuh hawi amkawm jojo i, saneng 300 rei heng nai bo y chapo chanau nga asai rai:

²³ Mymy ly saneng 365 rei awm.

²⁴ Mymy ly Tameuh hawi amkawm jojo nai deaungkho y Tameuh my la vui i, mymy ai ly niu ali y leang bo.

²⁵ Methusela ly saneng 187 rei khala y chapo Lameka ai sa;

²⁶ mymy ly saneng 782 rei heng nai bo y cho chanau nga asai rai;

²⁷ Methusela ly saneng 969 rei khala dei.

²⁸ Lameka ly saneng 182 rei khala y chapo leaungrei sa.

²⁹ “Areng my amsawi lawi hai nai deaungkho y, achi ly patang parai naimy kalop sa naira i nai hini deaungdi ly alaw hai ai nai keung ne, nanai Lameka ly thui i, huni deaungdi ai Nova, nanai amyn pathi nai ne.

³⁰ Lameka ly saneng 595 rei heng nai bo y cho chanau nga asai rai;

³¹ mymy ly saneng 777 rei khala dei.

³² Nova ly saneng 500 rei khala y Sema, Hama, Japheth napi nai chapo leaung thomreichi ai sa nai ne.