Suku-saakị 5 - FỊAFỊA BAỊBỤLỤ

Adamụ Furo-ḅẹ-apụ Ma

¹ Mie Adamụ furo ḅụ ḅụọ-ḅụọ ma paka-ḅo ḅara ḅe ḍiri mẹ. Tamụnọ tomi tẹmẹ sakị, ori ịn kẹ ori Tamụnọ ḅe sime-ḅara kịkama tẹmẹm.

² Owiḅọ na, ẹrẹḅọ na mie ọ̀ kẹ ịn tẹmẹ ḅara, tẹ ọ̀ nwẹnị ịn boma, tẹ ịn sịn “Tomi” ori ịn tẹmẹ sakị mẹ ḅụ.

³ Adamụ sịḅị kụra sonioa asi oyi finji (130) ḅọrọ tẹso, ori ò sime-ḅara sime tẹ ọ̀ kịkarị gbọrụ owiḅọtụḅọ iyim tẹ ẹrẹ kẹ ọ̀ sịnm Sẹtị.

⁴ Adamụ Sẹtị iyi tẹso, ọ̀ kẹ ḍumo-sime aḍin anie kụra maa ẹndẹ (800); tẹ ọ̀ ja owiapụ-awọmẹ na, eremịna-awọmẹ na iyim.

⁵ Mị-ḅara ḅụ Adamụ kẹ ḍumo-sime ene mamgba anie kụra maa ẹndẹ sọnọa asi na suei finji (930), tẹ ọ̀ fịịm.

⁶ Sẹtị sịḅị kụra sọnọa asi sọnọa akụra finji (105) ḅọrọ tẹso, ori Ẹnọsị iyim.

⁷ Ori Ẹnọsị iyi tẹso, Sẹtị kụra maa ẹndẹ sọnọma akụra finji (807) kẹ ḍumo-sime tẹ ja owiapụ-awọmẹ na, eremịna-awọmẹ na iyim.

⁸ Mị-ḅara ḅụ Sẹtị kẹ ḍumo-sime ene mamgba anie kụra maa ẹndẹ sọnọa asi finji na oyi maa akụra finji (912) na, tẹ ọ̀ fịịm.

⁹ Ẹnọsị sịḅị kụra inia asi oyi finji ḅọrọ tẹso, ò Kenanị iyim.

¹⁰ Ò Kenanị iyi tẹso, Ẹnọsị kụra maa ẹndẹ na jeia akụra finji (815) kẹ ḍumo-sime tẹ ja owiapụ-awọmẹ na, eremịna-awọmẹ na iyim.

¹¹ Mị-ḅara ḅụ Ẹnọsị kẹ ḍumo-sime ene mamgba anie kụra maa ẹndẹ sọnọa asi finji na sọnọa akụra na (905), tẹ ọ̀ fịịm.

¹² Kenanị sịḅị kụra atesi oyi finji (70) ḅọrọ tẹso, ọ̀ Mahalalẹlị iyim.

¹³ Ọ̀ Mahalalẹlị iyi tẹso, Kenanị kụra maa ẹndẹ na mesi finji (840) kẹ ḍumo-sime tẹ ja owiapụ-awọmẹ na, eremịna-awọmẹ na iyim.

¹⁴ Mị-ḅara ḅụ Kenanị kẹ ḍumo-sime ene mamgba anie kụra maa ẹndẹ sọnọa si finji na oyia akụra na (910), tẹ ọ̀ fịịm.

¹⁵ Mahalalẹlị sịḅị kụra atesi sọnọa akụra finji ḅọrọ tẹso, ọ̀ Jarẹdị iyim.

¹⁶ Ọ̀ Jarẹdị iyi tẹso, Mahalalẹlị kụra maa ẹndẹ na suei finji (830) kẹ ḍumo-sime tẹ ja owiapụ-awọmẹ na, eremịna-awọmẹ na iyim.

¹⁷ Mị-ḅara ḅụ Mahalalẹlị kẹ ḍumo-sime ene mamgba anie sọnọa akụra ofori kụra maa ẹndẹ na sọnọa asi finji (895), tẹ ọ̀ fịịm.

¹⁸ Jarẹdị sịḅị kụra ninea asi maa akụra finji (162) ḅọrọ tẹso, ori Ẹnọkụ iyim.

¹⁹ Ori Ẹnọkụ iyi tẹso, Jarẹdị kụra maa ẹndẹ (800) kẹ ḍumo-sime tẹ ja owiapụ-awọmẹ na, eremịna-awọmẹ na iyim.

²⁰ Mị-ḅara ḅụ Jarẹdị kẹ ḍumo-sime ene mamgba anie kụra maa ẹndẹ sọnọa asi finji na kụra atesi maa akụra finji (962), tẹ ọ̀ fịịm.

²¹ Ẹnọkụ sịḅị kụra atesi sọnọa akụra finji (65) ḅọrọ tẹso, ọ̀ Mẹtusẹla iyim.

²² Ọ̀ Mẹtusẹla iyi tẹso, Ẹnọkụ kụra jeia asi (300) kẹ Tamụnọ na gbọrụ ḅụ mẹnjị tẹ ọ̀ ḅịḅị pokim tẹ ja owiapụ-awọmẹ na, eremịna-awọmẹ na iyim.

²³ Mị-ḅara ḅụ Ẹnọkụ kẹ ḍumo-sime ene mamgba anie sọnọa akụra ofori kụra jeia asi na tesi oyi finji (365).

²⁴ Ẹnọkụ Tamụnọ na gbọrụ ḅụ mẹnjị tẹ ọ̀ ḅịḅị pokim, anie ḅụ tomi ḅarị ori ẹrị-a, gbala Tamụnọ ori ọkịm ẹrẹsị.

²⁵ Mẹtusẹla sịḅị tẹra akụra ofori kụra esenia asi oyi finji (187) ḅọrọ tẹso, ọ̀ Lamẹkị iyim.

²⁶ Ọ̀ Lamẹkị iyi tẹso, Mẹtusẹla maa akụra fa si ofori kụra maa ẹndẹ (782) kẹ ḍumo-sime tẹ ja owiapụ-awọmẹ na eremịna-awọmẹ na iyim.

²⁷ Mị-ḅara ḅụ Mẹtusẹla kẹ ḍumo-sime ene mamgba anie kụra asuei gbọrụ kụra fa, kụra maa ẹndẹ oyia asi finji (969), tẹ ọ̀ fịịm.

²⁸ Lamẹkị sịḅị kụra esenia asi na maa akụra finji (182) ḅọrọ tẹso, ọ̀ gbọrụ owiḅọtụḅọ iyim,

²⁹ tẹ ẹrẹ kẹ ọ̀ sịnm Noha, tẹ ḅẹẹm, “Kiri mẹ tẹ Tamụnọ wori tẹ ye mẹ ḅụ wamịna kọrịnama na, wa wamịna aḅara kẹ lịlịtẹ kọrị kọrịnama ma na ḅụ ḅị tụḅọ ḅe ḅarasụa ọkị-ḅo wa pịrị ḅa.”

³⁰ Ò Noha iyi tẹso, Lamẹkị sọnọa akụra ofori kụra gbọrụ ẹndẹ oyia asi finji (595) kẹ ḍumo-sime tẹ ja owiapụ-awọmẹ na, eremịna-awọmẹ na iyim.

³¹ Mị-ḅara ḅụ Lamẹkị kẹ ḍumo-sime ene mamgba anie: si tẹra akụra finji ofori kụra maa ẹndẹ (777), tẹ ọ̀ fịịm.

³² Noha sịḅị kụra gbọrụ ẹndẹ sọnọa asi finji (500) ḅọrọ tẹso, ọ̀ Sẹmụ na Hamụ na Jafẹtị na iyim.