Devidi-Anume 93 - FỊAFỊA BAỊBỤLỤTamụnọ Anie Amadaḅọọ 1 KỊNỊNYANAḄỌ ḅe anie amadaḅọọ. Ori opu na ḅaka na ịnyọ na kẹ kapa sọma tẹ sụa wararị. Ò tomikiri mẹ sịẹma kụrọma wararị, tẹ anị inetẹ saakị jen anga mu ḅịa. 2 Yei KỊNỊNYANAḄỌ, sukuyọ-saakị ḅụ í emine mẹ kụrọ sịẹ wararị, tẹ í emi ogbo sakị tọnm. 3 Yei KỊNỊNYANAḄỌ, abajị owolo ma ịna pọkọ saakịarị, ini ịna pọkọ saakị tẹ ịḅanịarị. 4 KỊNỊNYANAḄỌ ḅe So-ḅio sime tẹ ngẹrị ḅẹrẹtọn-arị, ori opu abajị mẹ ịḅanị mẹ nẹngịm, ọ̀ kụrọ anị ḅẹ ọnụngọ ma kụrọ nẹngịm. 5 KỊNỊNYANAḄỌ, í oloko ma sime gbamasom, tẹ ị́ Warị mẹ fịafịa ḅara ḅakam, mu ḅẹẹ-sakị ḅẹẹ-sakị lam. |
(C) The Bible Society of Nigeria
Bible Society of Nigeria