Devidi-Anume 67 - FỊAFỊA BAỊBỤLỤỊmịẹtẹ Ḅẹ Nume 1 Tamụnọ, ọkụrụkụrụ nyana wa pịrị tẹ wa bomaa; iḅi tọrụ kẹ wa ḍikii, 2 mịẹ tẹ bebe tomikiri mẹ í ḅiiarị ye nimi ḅarị ḅara, mịẹ tẹ sịẹ-sịẹ mamgba ị́ ḅọrọma mẹ nimi ḅarị ḅara. 3 Yei Tamụnọ, yee tomi ma í tokini; yee kịnị mamgba í tokini! 4 Yee sịẹ-sịẹ ma ḅioḅẹlẹ tẹ nume-su ḅụ ḍereku, ị́ karakara ḅẹrẹkọn kịnị pịrịarị ẹrẹsị, pịkị tomikiri simearị sịẹ goyegoye datụkụmarị. 5 Yei Tamụnọ, yee tomi ma í tokini; yee kịnị mamgba í tokini! 6 kiri mẹ soku-ḅẹ afịaị pakama tẹ; Tamụnọ, wamịna Tamụnọ ḅe, wa boma tẹẹ. 7 Tamụnọ wa boma tẹẹ; yee kịnị mamgba anga-anga ḅụ ọ̀ kụn. |
(C) The Bible Society of Nigeria
Bible Society of Nigeria