Devidi-Anume 54 - FỊAFỊA BAỊBỤLỤ

Si Kẹ Tomḅọ Tọn Apụ Ḅara Ḅio Mḅọ Gbaịn Ḅọrọma Ḅẹ Tẹkẹ

¹ Yei Tamụnọ, ị́ kụrọ kẹ ị̀ ḅọrọma-a; í opu kụrọ kẹ ì fima pakama-ḅoo!

² Yei Tamụnọ, ị̀ tẹkẹ naa; ị̀ ẹkwẹn ma pokii!

³ Ḅụụ-gelema atomi owu kẹ ị̀ paka ḅẹ ḅoarị; kụrọ-ḅara kẹ kịnị na mịẹarị apụ ị̀ ḅaa ḅẹ ḍọkịarị, anie Tamụnọ kẹ ye-sịn-a atomi ma.

⁴ Kụma Tamụnọ anie ḅarasụa ị̀ pịrịarị-ḅọ. KỊNỊNYANAḄỌ ḅe anie ị̀ ḍụarịḅọ.

⁵ Yee Tamụnọ si kẹ ị̀ tọn apụ ma mịẹ si mẹ kẹ fomuye sọma tẹ kẹ in fomu. Ori ḅioḅẹngbọ-kẹ-sịrẹrẹ-niḅi ḅọ ẹrẹsị ori ịn ḅaa guluguluma ḅa.

⁶ Yei KỊNỊNYANAḄỌ, à ḅioḅẹlẹ ḅara kẹ agba mịẹ ị́ pịrị ḅa; àrị ịmịẹtẹ kẹ ị́ ḅẹ ḅa, í iḅim gotẹ.

⁷ Ị̀ ḅụụ-fụka mamgba ḅio ị́ pụkọ-pakamaḅo tẹ, àrị ẹrị tẹ owu si kẹ ị̀ tọn apụ ma ḅara si tẹ.