Devidi-Anume 43 - FỊAFỊA BAỊBỤLỤKun ḅara Ḅio Simearị ḅọ Kọn Tẹkẹ 1 Yei Tamụnọ, à mịẹ ye ofori mẹ ḍuko-pakama, tẹ Tamụnọ nimi-a tomi ma tọrọkọ ị̀ ḅịḅị pakịrị: iruo apụ ma na si-mịẹapụ na ḅara-ḅio ị̀ ḍụa-ḅọrọma! 2 Ị́yẹrị mie ḍụkụ tẹ ye ị̀ la-laa ḅọ ḅe; tiye ẹrẹsị ị́ ị̀ kẹ gbin kuroma tẹ so? Tiye ẹrẹsị à paa ḅụụ-fụka da tọrọkọ, tọrọkọ mu ḅẹ, si kẹ ị̀ tọn-arị apụ ma mbasị mẹ ḅụ? 3 Í bele na ị́ karakara na kẹ fịrịmaa; yee arị ị̀ tọrọkọ-sụn, tẹ ị̀ kẹ pịkịma so Zayọnị, ị́ fịafịa tụndụ mẹ mu, tẹ ị́ Warị mẹ la, ị́ angarị yọ mẹ. 4 Anịtẹso, Yei Tamụnọ, arị ị́ agbamịẹ-anga mẹ mu ḅa; ị́ ḅụ mie ị̀ ḅioḅẹlẹ ḅoarị. Àrị ị̀ ọbọ farị tẹ nume-su í tokini ḅa, Yei Tamụnọ, ị̀ Tamụnọ. 5 Tiye ẹrẹsị à mị-ḅara kẹ kururuarị? Tiye ẹrẹsị à mị-ḅara kẹ ḅụụ-fụka daarị? À Tamụnọ kẹ ḅiokpọma ḅa, tẹ à pịkị jen kẹ nume-su ò tokini ḅa, ị̀ ḅọrọmaḅọ pịkị ị̀ Tamụnọ. |
(C) The Bible Society of Nigeria
Bible Society of Nigeria