Devidi-Anume 3 - FỊAFỊA BAỊBỤLỤ

Ḅarasụa Ḅii Dede Tẹkẹ

¹ KỊNỊNYANAḄỌ, si kẹ ị̀ tọn-arị apụ ḅakam, kịẹnkịẹn-ọkụ-ofori apụ ị̀ na tụḅụrụarị!

² Ini ị̀ kẹ fie-fie tẹ ḅẹẹm, “Tamụnọ ḅarasụa ọ̀ pịrị ḅịa.”

³ Kụma, Yei KỊNỊNYANAḄỌ, anie sakị mamgba ì ekpeke tẹ ye kẹ ị̀ lama ḅẹ ye da-sikimarị, owu-ḅara-iḅi kẹ ị̀ pịrịarị tẹ mịẹ tẹ à siin ḅiokpọarị.

⁴ À ḅarasụa gotẹ KỊNỊNYANAḄỌ ḅe tẹkẹarị, tẹ ori ọ̀ fịafịa tụndụ mẹ ọgọnọ sime tẹ ị̀ tẹkẹ pakịrịarị.

⁵ À ḅọlọlọ tẹ monoarị sakị KỊNỊNYANAḄỌ ḅe ị̀ gbaịn-arị bebe ḍin mẹ ḅụ.

⁶ Si kẹ ị̀ tọn-arị ẹndẹ-ẹndẹ ma gotẹ à ḅalafa-a anie pakịrị-pakịrị ḅụ ì ikelema-koro wararị apụ ma.

⁷ KỊNỊNYANAḄỌ, ḅoo! Ị̀ ḅọrọmaa, ị̀ Tamụnọ! Ị́yẹrị fomu-ḅara kẹ si kẹ ị̀ tọn apụ mamgba pịrị tẹ mịẹ tẹ ịn ḅarị kụrọ nyana tẹ ye kẹ ị̀ lama ma.

⁸ KỊNỊNYANAḄỌ ḅe ḅara ḅụ mie owu-ḅara-iḅi ḅoarị; yee ori ori atomi boma.