Devidi-Anume 23 - FỊAFỊA BAỊBỤLỤKỊNỊNYANAḄỌ Ḅe Anana-Ḍikiḍikiḅọ Ḅara Kẹ Ori Atomi Ḍikiḍikiarị 1 KỊNỊNYANAḄỌ ḅe anana-ḍikiḍikiḅọ ḅara kẹ ì ḍikiḍikiarị, à ḅii-ye goyegoye à nyana wararị. 2 Ọ̀ mịẹ tẹ àrị iḅi-osuka ọgọnọ ḅọlọlọ simearị: tẹ tọrọkọ-sụn ị̀ pịrịtẹ à mu deintẹ-minji ḅuuarị. 3 Ori ịwọ ịnyọ kẹ ị̀ ḅụụ ḅio suuarị, kẹ kụn kẹ ori ẹrẹ pịrị ḅụ, ori ị̀ datụkụma mu karakara etela ḅụ suuarị. 4 KỊNỊNYANAḄỌ, tụkụmaye à fị ḅalafama ḅara kẹ ḅalafamarị ḅụụ-fụka ḅio sọ ḅẹsọ, à ḅalafa ḅịa, gbala ị́yẹrị ị̀nịna emi ẹrẹsị. Ị́ anana-fomuye mẹ na mkpara mẹ na ḅiokpọ na kpaịn-sakị kẹ ị̀ pịrịarị. 5 Ị́ alalị-fịye kẹ ị̀ pịrị fịarị, ị̀nịna fịya-a apụ tọrọkọ ḅụ; ḅioḅẹlẹ ḅara ḅụ mie ị́ kẹ ị̀ da warị suu ye, tẹ à ḅuu furo ḅinma ḅẹ ḅara kẹ ị̀ kọpụ sụam. 6 À minini wararị mịnẹ í iḅi na ḍiki-ḅụụjịrị na kẹ ì ḍie ḅa ì ḍumo-ene mamgba ḅụ: tẹ à ḍumo mu la ḅarị ene mamgba ḅụ ị́ warị mẹ ì sime-yọ sọ ḅa. |
(C) The Bible Society of Nigeria
Bible Society of Nigeria