Devidi-Anume 149 - FỊAFỊA BAỊBỤLỤ

Tamụnọ Tokini Nume

¹ Ọ́ KỊNỊNYANAḄỌ ḅe tokinii! Ịwọ nume-su KỊNỊNYANAḄỌ ḅe pịrịị; ò minini atomi ma kobiri wararị anga ḅụ ò tokinii!

² Izirẹlị, ḅioḅẹlẹẹ, ị́ Tẹmẹḅọ ḅe gotẹ Zayọnị ḅẹ apụ, ó ḍerekuu, ọmịna amadaḅọ ḅe gotẹ!

³ Ọ́ sẹkị kẹ ori ẹrẹ tokinii; ọmịnị akwa ma na ọbọ ma na farị-farị tẹ kẹ ò tokinii.

⁴ KỊNỊNYANAḄỌ ḅe ori atomi ḍiki-ḅioḅẹlẹarị; ḅụụ-lẹgịma apụ ma ori owu-ḅara-iḅi kẹ ịn kẹ kụn nyana kiri ḅụ kuromarị.

⁵ Yee Tamụnọ atomi ma owu ịna ḅara iḅi ye ḅẹ ḍereku ọgbụrụ-sụn mẹnjị kọn tẹ bebe ḍin kẹ nume su-su ḍereku.

⁶ Yee ịn kụrọma oloku pakama ịn Tamụnọ tokiniarị ogbo, ịna oḅuarị okologie ịna aḅara emi ḅara ḅụ,

⁷ kẹ sịẹ-sịẹ ma nẹngịma kẹ fomu-ḅara kẹ tomi ma pịrị;

⁸ ikoli kẹ ịna amadapụ ma ịkasị, ịna sịḅịdapụ ma ikulele ikoli ḅio;

⁹ kẹ fomu-ḅara kẹ sịẹ-sịẹ ma pịrị. Tamụnọ tọn tẹ ḅara ḅụ. Miemẹ anie Tamụnọ atomi ma owu-ḅara-iḅi mẹ. Ọ́ KỊNỊNYANAḄỌ ḅe tokinii!