Devidi-Anume 142 - FỊAFỊA BAỊBỤLỤḄarasụa Ḅii Tẹkẹ 1 À ḅarasụa gotẹ KỊNỊNYANAḄỌ ḅe tẹkẹarị; à ye sime ị̀ pịrị ḅara kẹ ọ̀ tọrọkọ kuroma tẹ ori na ẹkwẹnmarị. 2 Ị̀ aḍuko-sụa mamgba à kẹ ḅo ọ̀ laarị; ị̀ ḅụụ-fụka mamgba à ḍuko ọ̀ pịrịarị. 3 À ḅo gbọrsịḅị ḅụụ sịkị fịị pịrị ḅara sime sakị, ori mie à mịẹ ḅẹ ḅara nimi ḅọ. À mẹnjị-ḅọrọarị anga mẹ ḅụ si kẹ ị̀ tọn apụ ma ḍiein tuu ḅọị wẹrị ị̀ pịrị wararị. 4 Àrị ị̀ akaka ḍiki sakị, ḅarasụa ị̀ pịrị ḅẹ gbọrụḅọ-sọ àrị ẹrị-a gbọrụḅọ-sọ ofori ị̀ gbaịn ḅọrọma. Ị̀ balarị gbọrụḅọ-sọ ofori. 5 KỊNỊNYANAḄỌ, à ḅarasụa gotẹ owu ị́ pịrịarị; KỊNỊNYANAḄỌ, mie ị̀ gbaịn ḅọrọmarị ḅẹ; mịẹ ḍumo mẹ ḅụ í sikima à jen ḅii-a. 6 À ḅarasụa gotẹ kọn-arị owu mẹ pokii, ì ḅioḅẹngbọ ḅịkị koro famarị. Si kẹ ị̀ tọn apụ ma ḅara-ḅio ị̀ ḅọrọmaa; ịn kụrọ ị̀ nẹngị ḅakam. 7 Ì opu ḅụụ-fụka mẹ ḅio ị̀ pakama-ḅoo; tẹso, ị́ atomi ma kobiri wararị anga ḅụ àrị í tokini ḅa ị́ kẹ ị̀ mịẹ iḅi gotẹ. |
(C) The Bible Society of Nigeria
Bible Society of Nigeria