Devidi-Anume 137 - FỊAFỊA BAỊBỤLỤ

In Kun-so Izirẹlị Ḅẹ Apụ Kẹ Ḅụụ Owu Nume

¹ Babịlọnị ḅẹ piri ọgọnọ ḅẹ atọrụ ma akaka wa lẹgị simem; anịanga wa owum, wa Zayọnị kẹ ḅiokoroma sakị.

² Kpeki anga ḅụ, ịn kẹ wilo sịn asịn ọgọnọ wa wamịna ọbọ ma kẹ sololom.

³ Wa kun-so apụ ma wa ḅẹẹm wa nume-suu; ịn wa ḅẹẹm wa tii-kọn ịn pịrịị: “Ọ́ Zayọnị gboloma nume-su wa pịrịị.”

⁴ Ndẹẹ wa inetẹ nume-su KỊNỊNYANAḄỌ ḅe boma ḅẹ ḅara, jen sịẹ ḅẹ amakiri ḅụ?

⁵ Yee gbala-gbala à ḅarị jen kẹ inetẹ ọbọ mẹ farị ma àrị ị́ kẹ ḅioḅọrọma ḅẹḅẹ, Jeruselemu!

⁶ Yee à ḅarị jen kẹ inetẹ nume-su ma àrị ị́ kẹ ḅiokoroma-a ḅẹḅẹ, àrị ị́ kẹ ì ḅioḅẹlẹma tẹịn ye sọma tẹ ị́ kẹ ì kuroma ḅụ suu-a ḅẹḅẹ!

⁷ KỊNỊNYANAḄỌ, Idọmụ ḅẹ apụ mịẹ ye kẹ ḅiokoromaa Jeruselemu ḅịkị ene mẹ ḅụ. In ḍuko siin ḍuko sime ye mẹ kẹ ḅiokoromaa, “Anị kan ḅo kiri lamaa!”

⁸ Babịlọnị, ini ị́ kan guluguluma ḅa. Ḅioḅẹlẹ sime ị́ kẹ wa mịẹ ye mẹ kẹ ị́ gbẹẹarị ḅọ mẹ pịrịị;

⁹ ị́ aḍọkọḍọkọ-awọmẹ ma ọkị tẹ kẹ ịkụ ḅụ fomu ḅaa kọsịmarị apụ ma.