Devidi-Anume 136 - FỊAFỊA BAỊBỤLỤ

Ịmịẹtẹ Ḅẹ Nume

¹ Ọmịnị ịmịẹtẹ kẹ KỊNỊNYANAḄỌ ḅe ḅẹẹ, ori iḅim ẹrẹsị; ọ̀ ḅẹlẹma sime gbamasom.

² Ọmịnị ịmịẹtẹ kẹ ḍụḅa Tamụnọ mamgba nẹngị Tamụnọ ḅe ḅẹẹ; ọ̀ ḅẹlẹma sime gbamasom.

³ Ọmịnị ịmịẹtẹ kẹ kụrọ nyana kịnịnyanapụ mamgba nẹngị ḅọ ḅe ḅẹẹ; ọ̀ ḅẹlẹma sime gbamasom.

⁴ Ori kịngẹ mie opu ḅụụ-buama-aị mịẹarị ḅọ, ọ̀ ḅẹlẹma sime gbamasom.

⁵ Ò nimi ḅụ ò So ma tẹmẹm; ọ̀ ḅẹlẹma sime gbamasom.

⁶ Opu owolo aminji ma ọgọnọ mie ò kiri mẹ mịẹ pakama-ḅo yee; ọ̀ ḅẹlẹma sime gbamasom.

⁷ Ori ịrụa mẹ na akalụ mẹ na mị; ọ̀ ḅẹlẹma sime gbamasom;

⁸ ịrụa mẹ eneḅaka kẹ ḅịyarị, ọ̀ ḅẹlẹma sime gbamasom;

⁹ akalụ mẹ na lolia ma na ḍin kẹ ḅịyarị; ọ̀ ḅẹlẹma sime gbamasom.

¹⁰ Ori Ijiputi-ḅẹ-apụ ma tarị iyi owiapụ ma ḅaa; ọ̀ ḅẹlẹma sime gbamasom.

¹¹ Ori Izirẹlịapụ ma tọrọkọ-sụn tẹ ịn kẹ Ijiputi ḅio paka-so; ọ̀ ḅẹlẹma sime gbamasom;

¹² ọ̀ kụrọtẹ ḅara mẹ na ori opu ḅara-kọngọ na ḅẹ; ọ̀ ḅẹlẹma sime gbamasom.

¹³ Ori Awụ Tọrụ mẹ kẹ maaịn ḍie; ọ̀ ḅẹlẹma sime gbamasom;

¹⁴ ori ori atomi ma tọrọkọ-sụn tẹ anị ḅio in tolu-ḅọrọ; ọ̀ ḅẹlẹma sime gbamasom;

¹⁵ kụma ori Ijiputi ḅẹ amadaḅọ ḅe na ori ọmụ-ogbo na sombi ḅaa; ọ̀ ḅẹlẹma sime gbamasom.

¹⁶ Ori ori atomi ma tọrọkọ-sụn tẹ ịn kẹ ịkpa mẹ ḅio mẹnjị ḅọrọ; ọ̀ ḅẹlẹma sime gbamasom.

¹⁷ Ọ̀ kụrọtẹ opu amadapụ ḅaam; ọ̀ ḅẹlẹma sime gbamasom.

¹⁸ Ọ̀ kịnị ẹrẹ naa tẹ amadapụ ḅaam; ọ̀ ḅẹlẹma sime gbamasom;

¹⁹ Siyọnị, Amọrayịtị apụ amadaḅọ ḅẹ; ọ̀ ḅẹlẹma sime gbamasom;

²⁰ na Ọgụ, Basani ḅe amadaḅọ ḅe na; ọ̀ ḅẹlẹma sime gbamasom;

²¹ Ori ịna akiri kẹ ori atomi pịrị; ọ̀ ḅẹlẹma sime gbamasom;

²² ọ̀ kẹ Izirẹlị ọ̀ fịrịmẹnjịḅọ pịrị; ọ̀ ḅẹlẹma sime gbamasom.

²³ Owu wamịna aḅara si sakị ọ̀ wa kẹ ḅioḅọrọma-a; ọ̀ ḅẹlẹma sime gbamasom;

²⁴ ò si kẹ wa tọn apụ ma ḅara-ḅio wa pakama-ḅo; ọ̀ ḅẹlẹma sime gbamasom.

²⁵ Ori fịye kẹ ọ̀ tẹmẹ tẹ ḍumo wararị ye goyegoye pịrịarị, ọ̀ ḅẹlẹma sime gbamasom.

²⁶ Ọmịnị ịmịẹtẹ kẹ So-ḅio ḅẹ Tamụnọ ḅe ḅẹẹ; ọ̀ ḅẹlẹma sime gbamasom.