Devidi-Anume 128 - FỊAFỊA BAỊBỤLỤKỊNỊNYANAḄỌ Ḅe Ḅịḅị Poki Dogi-ḅoarị Iḅi 1 KỊNỊNYANAḄỌ ḅe ḅịḅị pokiarị apụ ma ḅioḅẹlẹ sime ịn pịrịm, anie ọ̀ tọn kuroma aị ma ḍiki angarị apụ ma. 2 Ị́ kọrịnama ḅụ paka-ḅo ye mie ị́ kẹ ị́ ḅụụ-fụka mịẹ ḅarịye; tẹ í ḅioḅẹlẹ ḅa, pịkị lọkọlọkọ ḅa. 3 Ị́ ta mgbọlụ sụa-sụa sararị kụrọ sịn na kịka ḅa ị́ warị-kuḅu ḅụ, anịsakị í owiapụ-awọmẹ pịkị asambịrịma olivu asịn kịka tẹ ị́ dẹbịlẹ ikelema-koro ḅa. 4 KỊNỊNYANAḄỌ ḅe ḅịḅị pokiarị tomḅọ mẹ, piki-pikiye-ofori ḅara ḅụ mị-ḅara kẹ boma ḅa. 5 Yee KỊNỊNYANAḄỌ ḅe Zayọnị ḅụ sime tẹ í boma! Yee í ḍumo-ene mamgba ḅụ ị́ Jeruselemu lọkọlọkọarị ye ẹrị! 6 Yee í ḍumo sime tẹ ị́ ị́ taa-awọmẹ ẹrị! Dein Izirẹlị na simee! |
(C) The Bible Society of Nigeria
Bible Society of Nigeria