Devidi-Anume 127 - FỊAFỊA BAỊBỤLỤKẹ Tamụnọ Iḅi Mẹ Tokini Nume 1 KỊNỊNYANAḄỌ ḅe warị mẹ nama-a ḅẹḅẹ, warị nama apụ ma kọrịnama mẹ papaa faam; KỊNỊNYANAḄỌ ḅe ama mẹ gbaịn-a ḅẹḅẹ, ama-koruapụ ma sịẹsime tẹ koruarị ye mẹ papaa faam. 2 Tomḅọ mḅọ kẹ anga ḅẹ ye gotẹ kọrịnama kọrị ḅụrụ-kọsịarị mẹ papaa faam, ḅaaso kẹ sakị tẹ lịlị nwenii ḍin mu lama tẹrẹmẹ monoarị. Kẹ gotẹ ọkọ ḍukoarị, KỊNỊNYANAḄỌ ḅe mie ọ̀ ḅẹlẹmarịapụ ma fị ḅẹ ye kẹ ịn pịrịarị, in monoarị sakị ḅụ. 3 Awọmẹ anie KỊNỊNYANAḄỌ ḅe ḅara ḅo ḍiepịrịye; ini ma anie karakara boma. 4 Tomḅọ ịwọ sakị ḅụ iyi owiapụ-awọmẹ kịkarị ye ọmụḅọ ḅara-ḅio simearị aḍịẹịn. 5 Ọkọ sime tọnwa aḍịẹịn nyanaḅọ mẹ ḅioḅẹlẹ sime mḅọ pịrịm. Gbala-gbala ḅẹrẹ mḅọ ḅara si ḅịa, mḅọ si kẹ mḅọ tọn apụ ma na bịama sakị ḅẹrẹkọn kiri ḅụ. |
(C) The Bible Society of Nigeria
Bible Society of Nigeria