Devidi-Anume 126 - FỊAFỊA BAỊBỤLỤḌụa-ḅọrọma Gotẹ Kọn Tẹkẹ 1 KỊNỊNYANAḄỌ ḅe wa kẹ pịkị-ḅo Jeruselemu la sakị, ḍawọ-jụ ọkụ! 2 Wa kpọma ḍẹrịm, wa kpọma ḍereku tẹ nume-sunm! Anịtẹso osi asịẹ ma wa kẹ ẹkwẹn tẹ ḅẹẹm, “KỊNỊNYANAḄỌ ḅe opu aị kọrị ịn pịrị tẹ.” 3 Karakara-ḅara-ḅụ ori opu aị kọrị wa pịrịm; wa kpọma ḅioḅẹlẹ lamam! 4 KỊNỊNYANAḄỌ, wa ọkị so wamịna ama muu, eene koro tẹ samụnọtẹ okolo ma ḅio minji paka ḅara. 5 Yee owu atọrụ kẹ ḍụọ ḍiḅi apụ ma, ḍereku kẹ fịaị ma soku warị suu! 6 Owu atọrụ kẹ ḍiḅi ḅẹ mgbọlị dogi paka apụ ma, ḍereku nume-su ma pịkị-ḅo ḅa, in ḍụọ ḅio soku aị ma ọkị-ḅoarị sakị. |
(C) The Bible Society of Nigeria
Bible Society of Nigeria