Devidi-Anume 125 - FỊAFỊA BAỊBỤLỤTamụnọ Ori Atomi Ma Koko-kpaịnmarị 1 KỊNỊNYANAḄỌ ḅe kẹ ḅiokpọma apụ ma, ịn Zayọnị Tụndụ mẹ sịẹ-kụrọ ḅara sịẹ-kụrọ wararị, anie gbala-gbala inetẹ jike ḅịa apụ, pịkị gbala-gbala saakị jen kiri kuroma ḅịa ye mẹ. 2 Tụndụ ma Jeruselemu ikelema-koro ḅara, anị ḅara anie KỊNỊNYANAḄỌ ḅe ori atomi ma ikelema-koro ḅara mịọkụ mu ḅẹẹ-sakị ḅẹẹ-sakị la. 3 Si-sịḅịḅio-sụa apụ ma karakaraye-mịẹapụ amakiri mẹ ḅụ sime tẹ sakị mamgba ḅẹrẹtọn ḅịa; ini ọkọ mịẹm ḅẹ kụma, karakaraye-mịẹapụ ma ḅioju sọ ḅo si mịẹ ḅa. 4 KỊNỊNYANAḄỌ, iḅi kẹ iḅi-apụ ma mịẹẹ, pịkị ị́ tọn kuroma aị ma poki tẹ mịẹarị apụ ma sọ. 5 Kụma í fomu-ḅara kẹ si-sịḅịḅio-sụapụ ma pịrị ḅa sakị, pịkị í etela ma kuroma so apụ ma sọ fomu. Dein Izirẹlị na simee! |
(C) The Bible Society of Nigeria
Bible Society of Nigeria