Devidi-Anume 123 - FỊAFỊA BAỊBỤLỤ

Ọkụrụkụrụ Ḅii Tẹkẹ

¹ KỊNỊNYANAḄỌ, à tọrụ saakị tẹ kẹ í ḍikiarị So-ḅio í sime tẹ ḅẹrẹtọn-arị anga mẹ ḅụ.

² Fịrịmẹnjịḅọ ọ̀ sịḅịdaḅọ ḅụ sịrẹrẹ ḅara, fịrịmẹnjị-ẹrẹḅọtụḅọ á sịḅịda-ẹrẹḅọ ḅụ sịrẹrẹ ḅara, mị-ḅara ḅụ wa tọrụ sakị í ḍiki-ḍiki-ḍiki ḅa, Yei KỊNỊNYANAḄỌ, wamịna Tamụnọ, nwenii ị́ ọkụrụkụrụ nyana wa pịrị sakị la.

³ Ọkụrụkụrụ nyana wa pịrịị, KỊNỊNYANAḄỌ, ọkụrụkụrụ nyana-a; tomi kpọma ḍiki-iderima ḅara kẹ wamịnị na mịẹ tẹ.

⁴ Ngọ-kọnapụ kpọma wa kombo alama tẹ ḅara ḅakam, tẹ ḅụụ-boma apụ tẹ pịkị kịnị ponomarị apụ ma wa ḍiki sima tẹ.