Devidi-Anume 121 - FỊAFỊA BAỊBỤLỤ

KỊNỊNYANAḄỌ Ḅe Anie Wa Gbaịn Ḅọ

¹ À tọrụ saakị tụndụ ma ḍikiarị, ị̀ ḅarasụa tọ-anga ḅo ḅẹ?

² Ị̀ ḅarasụa KỊNỊNYANAḄỌ ḅe ḅara ḅụ ḅo ḅa, So na Kiri na tẹmẹḅọ ḅe.

³ Ọ̀ ḍụkụ tẹ ị́ ḅịkị ḅịa; ị́ gbaịn-arị ḅọ ḅe sakị mamgba ò mono mono-a.

⁴ Izirẹlị gbaịn-arị ḅọ ḅe gbala-gbala ọ̀ sịngẹ-sịngẹ-a, ọ̀ pịkị mono-mono-a.

⁵ KỊNỊNYANAḄỌ ḅe í kikima ḅa; ori ị́ akaka emi ị́ gbaịn ḅẹ ḅara.

⁶ Eneḅaka ḅụ ịrụa ị́ fọị ḅịa, akalụ sọ kẹ ị́ mịẹ ḅẹ ye ofori ḍin ḅụ.

⁷ KỊNỊNYANAḄỌ ḅe ị́ gbaịn ḅa ye kẹ ị́ lama ḅẹ aị mamgba ḅụ; ori í koko kpaịnma ḅa.

⁸ Ị́ mẹnjị sọ-ḅo sakị na ị́ mẹnjị-paka sakị na ḅụ, ori ị́ gbaịn ḅa mịọkụ mu ḅẹẹ-sakị ḅẹẹ-sakị la.