Devidi-Anume 120 - FỊAFỊA BAỊBỤLỤ

Ḅarasụa Ḅii Tẹkẹ

¹ À ḅụụ-fụka ḅio sime, sime sakị à KỊNỊNYANAḄỌ ḅe sịn tẹ ori ị̀ ḅịḅị ọkịm.

² KỊNỊNYANAḄỌ, ị̀ ḅọrọmaa, iruo apụ na oḅori-kẹ-kịnịsịn-arị apụ na aḅara-ḅio.

³ Ọmịnị iruo apụ, ndẹẹ Tamụnọ kẹ ọ́ mịẹ ḅẹ ye? Ndẹẹ ọ̀ kẹ ọ́ pịrị ḅẹ fomu-ḅara?

⁴ Oḅuarị ọmụḅọ aḍiein na kọrịarị anyịmgbọ na, mie ọ̀ kẹ ó fomu ḅarịye!

⁵ Ọmịnị ogboku sime tẹ anga mẹ, si Mẹsẹkị ḅio anga na gbasịm, anịanịa Keda ḅẹ apụ ogboku anga.

⁶ À dein ḍiki-ḅioḅuarị apụ ma na anga alama ḅaka tẹ!

⁷ Yẹrị dein ẹkwẹn kọn-arị sakị, ini ọmụ ḍọkịarị.