Devidi-Anume 110 - FỊAFỊA BAỊBỤLỤKỊNỊNYANAḄỌ Ḅe Na Ori ḅarana Sẹlẹ ọkị Amadaḅọ Ḅe Na 1 KỊNỊNYANAḄỌ ḅe ị̀ nyana amadaḅọ ḅe ḅẹẹm, “Mịanga ị̀ ama-ḅara anga lẹgị-sime nwenii à si kẹ ị́ tọn apụ ma kẹ ị́ aḅụọ gbana ye mịẹ sakị la.” 2 Zayọnị ḅụ mie KỊNỊNYANAḄỌ ḅe ị́ ama-da ḅẹrẹtọn kụrọ mẹ wasama ḅarịye. Ori mẹẹ, “Ḅẹrẹtọn si kẹ ị́ tọn apụ ma pịrịị.” 3 Í si kẹ ị́ tọn apụ na owu-sọ ḅarị ene ị́ atomi ma ḅarana ịna aḅụụ tọn pakama-ḅo tẹ owu mẹ sọ ḅa. Ị́ asawọ ma dede-funfun ḅẹ igirigi kịka tẹ ḅo ị́ la ḅa fịafịa atụndụ ma ọgọnọ ḅụ. 4 KỊNỊNYANAḄỌ ḅe tẹmẹ-la ḅara kẹ minini ị́ pịrịye mẹ ḅụ ọ̀ ḅịḅị ḍima ḅịa: “Ị́ agbamịẹḅọ sọ gbamaso ḅa Mẹlịkizẹdẹkị agbamịẹ ọrụ sime-ḅara.” 5 KỊNỊNYANAḄỌ ḅe ị́ ama-ḅara anga emi; ori ịganị sakị, ori amadapụ nẹngịma ḅa owu kiri ḅụ. 6 Ọ̀ ḅẹrẹ-pẹlẹ sịẹ-sịẹ ma pịrị tẹ owu sọ kiri mẹ ḅụ ḍụẹịn-ḍụẹịn-ḍụẹịn sara sime ḅa; bebe tomikiri mẹ ḅẹ amadapụ mamgba ọ̀ mịẹ tẹ owu ịna aḅara si ḅa. 7 Etela akaka mẹnjịarị kala-okolo mẹ ḅio ḅẹ minji mẹ ḅụ amadaḅọ ḅe minji ḅụụ ḅa, tẹ ịnyọ sụa tẹ owu mẹ sọ pẹlẹ ḅa owu-ḅara-iḅi ḅụ. |
(C) The Bible Society of Nigeria
Bible Society of Nigeria