Devidi-Anume 11 - FỊAFỊA BAỊBỤLỤ

KỊNỊNYANAḄỌ Ḅe Kẹ Ḅiokpọma

¹ À KỊNỊNYANAḄỌ ḅe kẹ ḅiokpọmarị, ye ị̀ la ḅịa. Í oḅori-sọ tẹ ḅara ḍikii, tẹ ị̀ ḅẹẹarị, “Feni fiin ḅara fiin so tụndụ ma ọgọnọ muu,

² si-sịḅịḅio-sụapụ ma ịna iboli ma aḍigi ma nụnụ gagama tẹ ḍịẹịn ma kẹ iḅi atomi ma da tẹ kanakana ḅio in tẹịn ḅẹ tẹ ẹrẹsị.

³ Iḅi tomḅọ inetẹ mịẹ-mịẹ gberie-sọ ofori, ye goyegoye kaan sara tẹ ḅẹḅẹ.”

⁴ KỊNỊNYANAḄỌ ḅe ọ̀ fịafịa warị ḅio emi: Ori emine So-ḅio emi. Ọ̀ tọrụ tomi ọgọnọ emi anga, anga ḅụ tẹ ịn mịẹarị ye nimi wararị.

⁵ Iḅi-apụ na si-sịḅịḅio-sụapụ na ori ịn tọn ḍikiarị, gbọrụ ḅara mẹ: Ori ò ḅioḅẹngbọ mamgba kẹ oloko bala-a apụ ma ḍiki-ḅioḅuarị.

⁶ Ori ọgọnọ sime tẹ kọrịarị anyịmgbọ na ọpọlị kịkaye na kẹ si-sịḅịḅio-sụapụ ma fịrịmarị: oju dọkịmarị fẹrụ mie ọ̀ kẹ in fomuarị.

⁷ KỊNỊNYANAḄỌ ḅe anie karakara mịẹḅọ, tẹ ori iḅi amịẹaị ḅẹlẹmarị: arị mịẹarị apụ ma ini ọ̀ tọrọkọ anga ḅa.