Devidi-Anume 100 - FỊAFỊA BAỊBỤLỤ

Tamụnọ Tokini Nume

¹ Tomikiri ḅẹ apụ mamgba, ó nume-su KỊNỊNYANAḄỌ ḅe pịrịị!

² Ó ḍereku ḅụ sunsin KỊNỊNYANAḄỌ ḅe pịrịị; ó ḅioḅẹlẹ anume su ma ọ̀ tọrọkọ ḅoo!

³ Gbala-gbala ọ̀ kẹ ḅioḅọrọma ma mịnẹ KỊNỊNYANAḄỌ ḅe ori Tamụnọọ. Ori wa tẹmẹm, tẹ wa sime ọ̀ pịrịm; wamịnị ori atomi, pịkị ori anana-ogbo.

⁴ Ịmịẹtẹ ḅẹ kẹ Tamụnọ warị mẹ sọ mu, tokini kẹ ḅio, ḅio ma sọ mu. Ịmịẹtẹ kẹ ọ̀ ḅẹ tẹ ò tokinii.

⁵ KỊNỊNYANAḄỌ ḅe ori iḅim; ọ̀ ḅẹlẹma sime gbamasom tẹ ḅioḅẹngbọ kẹ ọ̀ ḅụụ ḅụ gbana na-iḅi mẹ sime mu ḅẹẹ-sakị ḅẹẹ-sakị laarị.