1 Paka-aị 6 - FỊAFỊA BAỊBỤLỤ

Sịḅịda-Agbamịẹapụ Ma Furo Mẹ Ḅẹ Ọrụ Mẹ

¹ Livayị owiapụ-awọmẹ ma anie Gasọnị na, Kohatị na, Mẹrarị na.

² Kohatị owiapụ-awọmẹ ma anie: Amụramụ na, Iza na, Hẹbụrọnị na, Uziyẹlị na.

³ Amụramụ awọmẹ ma anie: Erọnị na, Mozizi na, Mirihamụ na. Erọnị owiapụ-awọmẹ ma anie; Nadabụ na, Abihu na, Ẹlịyeza na, Itama na.

⁴ Ẹlịyeza anie Finihasi ḍa, Finihasi anie Abisụwa ḍa,

⁵ Abisụwa anie Buki ḍa, Buki anie Uzi ḍa.

⁶ Uzi anie Zẹraya ḍa, Zẹraya anie Mẹrahọtị ḍa,

⁷ Mẹrahọtị anie Amaraya ḍa, Amaraya anie Ahitubu ḍa,

⁸ Ahitubu anie Zadọkụ ḍa, Zadọkụ anie Ahimazi ḍa,

⁹ Ahimazi anie Azaraya ḍa, Azaraya anie Johananị ḍa.

¹⁰ Johananị anie Azaraya (ori mie Sọlọmọnị Jeruselemu ḅụ nama warị mẹ ḅio agbamịẹ kọrịnama kọrị ḅọ ḅe)

¹¹ Azaraya anie Amaraya ḍa, Amaraya anie Ahitubu ḍa.

¹² Ahitubu anie Zadọkụ ḍa, Zadọkụ anie Salumu ḍa,

¹³ Salumu anie Hilikaya ḍa, Hilikaya anie Azaraya ḍa,

¹⁴ Azaraya anie Sẹraya ḍa, Sẹraya anie Jehozadakị ḍa.

¹⁵ KỊNỊNYANAḄỌ ḅe Juda na Jeruselemu na kẹ Nebukadineza ḅara-ḅio omoni sọma sakị Jehozadakị mu omoni ḅara-ḅio sọm.

Livayị Ḅụụ Ḅụ Paka-ḅo Japụ

¹⁶ Livayị owiapụ-awọmẹ ma anie: Gasọnị na, Kohatị na, Mẹrarị na.

¹⁷ Mịna ẹrẹ ma anie Gasọnị owiapụ-awọmẹ ma ẹrẹ: Libini na Simeyi na.

¹⁸ Kohatị owiapụ-awọmẹ ma ẹrẹ anie Amụramụ na, Iza na, Hẹbụrọnị na, Uziyẹlị na.

¹⁹ Mẹrarị owiapụ-awọmẹ anie Mali na, Musi na. Mie Livayị ḅụụ ḅụ paka-ḅo furo-furo ma ịna aḍapụ ma wẹrịtẹ iyi ḅara ḅụ.

²⁰ Gasọnị ḅụụ paka-ḅo apụ anie: Libini na, Jahatị na, Zima na,

²¹ Joha na, Ido na, Zera na, Jehatirayị na.

²² Kohatị owiapụ-awọmẹ ma anie: Amịnadabụ na, Kora na, Asaya na,

²³ Ẹlịkena na, Ẹbịyasafụ na, Asaya na,

²⁴ Tahati na, Yuriyẹlị na, Uzaya na, Sahulu na.

²⁵ Ẹlịkena owiapụ-awọmẹ anie: Amasayị na Ahimọtị na.

²⁶ Ahimọtị furo ḅụụ paka-ḅo apụ anie: Ẹlịkena na, Zọfayị na, Nahatị na,

²⁷ Ẹlịyabụ na, Jerohamụ na, Ẹlịkena na.

²⁸ Samụwẹlị owiapụ-awọmẹ ma anie: Jowẹlị ori mgbe na, ò gboloo Abija na.

²⁹ Mẹrarị owiapụ-awọmẹ anie: Mali, na, Libini na, Simeyi na, Uza na,

³⁰ Simiya na, Hagiya na, Asaya na.

Tẹkẹ-warị Mẹ Ḅio Ḅẹ Akwa Farịapụ Ma

³¹ Mịna apụ ma mie Devidi nume onyo mẹ kẹ pịrị sẹịn apụ ma KỊNỊNYANAḄỌ ḅe warị mẹ ḅio Ọḅọkụ-Igbe mẹ anịjụ sime tẹso, mẹ.

³² Ọḅọkụ-Igbe mẹ sime akpụrụ-warị mẹ tọrọkọ sime tomi kobiriarị akpụrụ-warị mẹ tọrọkọ mie ịn sime tẹ nume su fịrị mẹnjị nwenii Sọlọmọnị Jeruselemu ḅụụ KỊNỊNYANAḄỌ ḅe warị mẹ nama ye; ịn sime na-iḅi fịrị ọrụ ḅụ in sime tẹ ịna fịrị mẹnjịm.

³³ Mie nume-su fịrị mẹ mẹnjị apụ ma na, ịna owiapụ-awọmẹ na. Kohatị ḅụụ paka-ḅo apụ anie: Hemanị nume-suapụ ma sịḅịdaḅọ, Jowẹlị owiḅọtụḅọ, Samụwẹlị owiḅọtụḅọ,

³⁴ Ẹlịkena owiḅọtụḅọ, Jerohamụ owiḅọtụḅọ, Ẹlịyẹlị owiḅọtụḅọ, Toha owiḅọtụḅọ,

³⁵ Zufu owiḅọtụḅọ, Ẹlịkena owiḅọtụḅọ, Mahatị owiḅọtụḅọ Amasayị owiḅọtụḅọ,

³⁶ Ẹlịkena owiḅọtụḅọ, Jowẹlị owiḅọtụḅọ, Azaraya owiḅọtụḅọ, Zẹfanaya owiḅọtụḅọ,

³⁷ Tahati owiḅọtụḅọ, Asaya owiḅọtụḅọ, Ẹbịyasafụ owiḅọtụḅọ, Kora owiḅọtụḅọ,

³⁸ Iza owiḅọtụḅọ, Kohatị owiḅọtụḅọ, Livayị owiḅọtụḅọ, Izirẹlị owiḅọtụḅọ ḅe.

³⁹ Ori iyimbere Asafụ tẹ ori ama-ḅara sịẹ ḅọ anie Bẹrẹkaya owiḅọtụḅọ, Simiya owiḅọtụḅọ,

⁴⁰ Mayịkẹlị owiḅọtụḅọ, Bahasẹya owiḅọtụḅọ, Malikịja owiḅọtụḅọ,

⁴¹ Ẹtini owiḅọtụḅọ, Zera owiḅọtụḅọ, Adaya owiḅọtụḅọ,

⁴² Ẹtanị owiḅọtụḅọ, Zima owiḅọtụḅọ, Simeyi owiḅọtụḅọ,

⁴³ Jahatị owiḅọtụḅọ, Gasọnị owiḅọtụḅọ, Livayị owiḅọtụḅọ ḅe.

⁴⁴ Ịna ere-ḅara anga ḅẹ apụ anie Mẹrarị owiapụ-awọmẹ ma: Ẹtanị, Kisi owiḅọtụḅọ, Abudi owiḅọtụḅọ, Maluku owiḅọtụḅọ,

⁴⁵ Hasabaya owiḅọtụḅọ, Amazaya owiḅọtụḅọ, Hilikaya owiḅọtụḅọ,

⁴⁶ Amụzị owiḅọtụḅọ, Bani owiḅọtụḅọ, Sịẹma owiḅọtụḅọ,

⁴⁷ Mali owiḅọtụḅọ, Musi owiḅọtụḅọ Mẹrarị owiḅọtụḅọ, Livayị owiḅọtụḅọ ḅe.

⁴⁸ Anịsakị ịn nwẹnị ịna mịnapụ Livayị furo-ḅẹ-apụ ma tọn tẹ kẹ Tamụnọ warị mẹ ḅio, Ọḅọkụ-Igbe mẹ sime anga mẹ ḅụ ḅẹ fịrị mẹmgba ḅụ su fama.

Erọnị Ḅụụ Ḅụ Paka-ḅo Apụ Ma

⁴⁹ Kụma Erọnị na ori owiapụ-awọmẹ ma na dọkịma agba mịẹ anga mẹ ḅụụ dọkịma-agba mịẹ mẹ na, kụnụaị dọkịma anga mẹ ḅụ kụnụaị dọkịma mẹ na, onyo-sẹịn kẹ Fịafịa-tẹịn Yọ mẹ ḅụ ḅẹ kọrịnama mẹmgba na, pịkị ḅẹrẹ fama kẹ Izirẹlị pịrị, Mozizi Tamụnọ fịrịmẹnjịḅọ ḅe wẹrịtẹ tọn tẹ ḅara mẹmgba ḅụ.

⁵⁰ Mịna apụ ma anie Erọnị owiapụ-awọmẹ ma: Ẹlịyeza na, Finihasi na, Abisụwa na,

⁵¹ Buki na, Uzi na, Zẹraya na,

⁵² Mẹrahọtị na, Amaraya na, Ahitubu na,

⁵³ Zadọkụ na, Ahimazi na.

Livayị Furo-ḅẹ-apụ Ma Anga Yọ Mẹ

⁵⁴ Mịna anga ma mie ịna ayeyọ ma ḅụ ịn wẹrịtẹ koro tẹ anga anga ma: Erọnị ḅụụ ḅụ furo-furo ma tẹ paka-ḅo apụ ma ḅụ, Kohatị ḅụụ paka-ḅo apụ ma tarị ḍie kiri mẹ nyanam,

⁵⁵ ini mie ịn Juda ama mẹ ḅio Hẹbụrọnị na, anị ikelema-koro osuka-akiri ma na kẹ pịrị ye.

⁵⁶ Kụma opu ama mẹ ḅẹ apiri ma na, arịḅẹ akala-ama ma na ịn kẹ Kẹlẹbụ Jefune owiḅọtụḅọ ḅe pịrịm.

⁵⁷ Ịn nwẹnị ḅụụ ḅọị na-iḅi opu ama ma kẹ Erọnị owiapụ-awọmẹ ma pịrị: mịna anga ma anie Hẹbụrọnị na, Libina na anị ḅẹ iḅi-osuka-akiri ma na, Jataya na, Ẹsịtẹmoha na anị ḅẹ iḅi-osuka-akiri ma na,

⁵⁸ Hilẹnị na anị ḅẹ iḅi-osuka-akiri ma na, Dẹbaya na anị ḅẹ iḅi-osuka-akiri ma na,

⁵⁹ Asanị na anị ḅẹ iḅi-osuka-akiri ma na, Bẹtị-Semesi na anị ḅẹ iḅi-osuka-akiri ma na;

⁶⁰ Benijamịnị ye-yọ ḅụ ịn kẹ ịn pịrị anga anie Geba na anị ḅẹ iḅi-osuka-akiri ma na, Alẹmẹtị na anị ḅẹ iḅi-osuka-akiri ma na, Anatọtị na anị ḅẹ iḅi-osuka-akiri ma na. Ịna bebe afuro mamgba nyana anga oyi tẹra opu ama finji.

⁶¹ Ịn nwẹnị apịan sụa Manasẹ furo mẹ kẹ maa anga ḍiya ḅẹ gbọrụ pakịrị ḅụ, tẹ oyia opu ama kẹ Kohatị ḅụụ paka-ḅo kirikọn-apụ ma pịrị.

⁶² Ịn nwẹnị Gasọnị ḅụụ paka-ḅo afuro ma la ḅara ḍiki tẹ oyi tẹra opu ama finji kẹ ịn pịrị Ịsaka na, Asa na, Nafutali na Manasẹ na furo ma ḅụ Basani ḅụ.

⁶³ Mẹrarị ḅụụ paka-ḅo afuro ma la ḅara ḅụ ịn nwẹnị oyi maa opu ama finji kẹ ịn pịrị Rubẹnị na, Gadi na, Zẹbulọnị na afuro ma ḅụ.

⁶⁴ Mị-ḅara mie Izirẹlịapụ ma kẹ opu ama na arịḅẹ iḅi-osuka akiri na kẹ Livayị furo-ḅẹ-apụ ma pịrị ḅara.

⁶⁵ Mị-ḅara mẹ mie ịn pịkị apịan sụa-sụa tẹ Juda na, Simiyọnị na, Benijamịnị na afuro ma ḅụ ini ẹrẹ go opu ama ma kẹ ịn pịrị ḅara.

⁶⁶ Kohatị owiapụ-awọmẹ maa afuro ma ḅẹ ja apụ amịna soku ḅẹ ye-yọ nyanam Iferemu furo mẹ ḅụ.

⁶⁷ Ịn kẹ ịn pịrị ḅụụ-ḅọị-ama ma anie Sẹkẹmụ na anị ḅẹ iḅi-osuka-akiri ma tẹ Iferemu tụndụ ọgọnọ ḅẹ opu sịẹ mẹ ḅio simearị ama na, Geza na anị ḅẹ iḅi-osuka-akiri ma na,

⁶⁸ Jokimehami na anị ḅẹ iḅi-osuka-akiri na, Bẹtị-horoni na anị ḅẹ iḅi-osuka-akiri na,

⁶⁹ Ahijalọnị na anị ḅẹ iḅi-osuka-akiri na, Gatị-rimọnị na anị ḅẹ iḅi-osuka-akiri na,

⁷⁰ pịkị Manasẹ furo mẹ ḅẹ pakịrị mẹ ḅụ, Ana na anị ḅẹ iḅi-osuka-akiri na, Biliyamụ na anị ḅẹ iḅi osuka-akiri na kẹ Kohatị afuro ma ḅụ kirikọn-apụ ma pịrịm.

⁷¹ Manasẹ furo mẹ ḅẹ gbọrụ pakịrị ḅụ ịn kẹ Gasọnị ḅụụ paka-ḅo apụ ma pịrị anga anie Golanị na anị ḅẹ iḅi-osuka-akiri na, Basani ḅụ na Asịtarọtị na anị ḅẹ iḅi-osuka-akiri na;

⁷² Ịsaka furo ḅụ: Kẹdẹsị na anị ḅẹ iḅi-osuka akiri na, Daberatị na anị ḅe iḅi-osuka-akiri na,

⁷³ Ramọtị na anị ḅẹ iḅi-osuka-akiri na, na Anẹmụ na anị ḅẹ iḅi-osuka-akiri na;

⁷⁴ Asa furo ḅụ: Masalị na anị ḅẹ iḅi-osuka akiri na, Abụdọnị na anị ḅẹ iḅi-osuka-akiri na,

⁷⁵ Hukọkụ na anị ḅẹ iḅi-osuka-akiri na, Rehobu na anị ḅẹ iḅi-osuka-akiri na;

⁷⁶ Nafutali furo ḅụ: Galili ḅụ sime Kẹdẹsị na anị ḅẹ iḅi-osuka-akiri na, Amọnị na anị ḅẹ osuka akiri na, na Kiriyatahịmu na anị ḅẹ iḅi-osuka-akiri na.

⁷⁷ Mẹrarị ḅụụ paka-ḅo kirikọn-apụ ma Zẹbulọnị furo ḅụ ịn kẹ ịn pịrị anga anie: Rimono na anị ḅẹ osuka-akiri na, Taḅọ na anị ḅẹ iḅi-osuka-akiri na.

⁷⁸ Jodanị ọgọnọ-jụ pakịrị ḅẹ Jeriko ḅụ ịrụa Jodanị ḅụ saakịarị pakịrị anga Rubẹnị furo ḅụ tuuideri anga ḅụ sime Beza na anị ḅẹ iḅi-osuka-akiri na, Jaza na anị ḅẹ osuka aḍiri na.

⁷⁹ Kẹdẹmoti na anị ḅẹ iḅi-osuka-akiri na, na Mẹfatị na anị ḅẹ iḅi-osuka-akiri na.

⁸⁰ Gadi furo ḅụ: Gilẹdị ḅụ sime Ramọtị na anị ḅẹ osuka-akiri na, Mahanahịmu na anị ḅẹ iḅi-osuka-akiri na,

⁸¹ Ẹsịbọnị na anị ḅẹ iḅi-osuka-akiri na, na Jaza na anị ḅẹ iḅi-osuka-akiri na.