Sams-Zgame 3 - Anumzamofo Routage Avantafere

Deviti'ma nemofo Absalomunku koro'ma freno umani'neno hu'nea naneke

¹ Ra Anumzamoka ha' vahenimo'za ome ra hu'za hara hunantazanki ko! Rama'a vahe'mo'za oti'za hara renantaze!

² Rama'a nagrikura hu'za, Anumzamo'a agura ovazigahie hu'za nehaze.

³ Hianagi kagra Ra Anumzamoka maka kaziga hankoni'gna hunka manigaginantenka, ra nagia nenaminka naza hanke'na hara zamagate'neroe.

⁴ Hagi Ra Anumzamo'ma nzama hinogu'ma krafage hu'na ke'zatugeno'a, ruotge agona'aretira antahinami'ne.

⁵ Navura mase so'e hute'na onetue, na'ankure Ra Anumzamo'a kegava hunenante.

⁶ Hanki rama'a 10tauseni'a ha' vahe'mo'zama maka kazigati'ma eme navazagi kagisazana, nagra korora zamagrikura osugahue.

⁷ Ra Anumzamoka, otio! Nagri Anumzamoka nagu'vazio! Ha' vahe'ni'aramina zamerage rupro hunka nezmahenka, kefo avu'ava'ma nehia vahera zamave rutafrinka zamaho.

⁸ Vahe'ma agu'vazi zana Ra Anumzamofompi me'ne. Hagi kagri asomu'mo'a, kagri vahepi megahie.