Sams-Zgame 121 - Anumzamofo Routage Avantafere

Anumzamo kva vaheti mani'ne hu'nea zagamere

¹ Nagra navua kesga hu'na agonaramintega koanagi, inantegati nazamahu vahera egahie?

² Monane mopanema tro'ma hu'nea Ra Anumzantegati naza hu'zana ne-e.

³ Agra katre'nigenka regrarinka omasegosane. Na'ankure kagri'ma kegavama hunegantemo'a avura nomasea ne' mani'ne.

⁴ Antahio, tamagerfa huno Israeli vahe'ma kegavama hunezmantemo'a, avu'tokora nosuno avura nomasea ne' mani'ne.

⁵ Ra Anumzamo'a tamagrira kegava huramante'ne. Ra Anumzamo'a tona zafagna huno kagri tvaonte mani'neno, kegava hunegante.

⁶ Zage feru'pima nevnankeno'a zagemo'a tenogasagesigeno, kenage'ma nevnankeno'a, ikamo'a hazenkea ogamigahie.

⁷ Ra Anumzamo'a kagrira kegava hugante'sigenka, so'e hunka nemaninka hazenkea e'origahane.

⁸ Meninteti'ma agafa huteno henkama maninoma vaniana, inantego vunka enka'ma hananana Ra Anumzamo'a avua anteno kegava hugante vava huno vugahie.