Zaburi 82 - Kinyarwanda Bibiliya Ntagatifu

Abacamanza bagomba guca imanza zitabera

1 Ni zaburi ya Asafu.

¹ Ni zaburi ya Asafu. Imana ihagaze mu ikoraniro ry’ibyegera byayo, iracira imanza rwagati mu bikomangoma;

² iti «Muzahereza he guca imanza zidahwitse, no gushyigikira abagiranabi mubabera? (guceceka akanya gato)

³ Ahubwo nimurenganure abanyantege nke n’impfubyi, murengere imbabare n’indushyi;

⁴ nimurokore umunyantegenke n’umukene, mubagobotore mu minwe y’abagome!

⁵ Ariko nta cyo baramenya, nta n’icyo bumva, bararindagira mu mwijima, bigeza n’aho inkingi z’isi zijegajega.

⁶ Jyewe narivugiye nti ’Muri imana, kandi mwese muri abana b’Umusumbabyose!

⁷ Nyamara, muzapfa kimwe na rubanda, maze muzashire nk’ikinyamubiri cyose!’»

⁸ Uhoraho, haguruka ucire isi urubanza, kuko ari wowe mugenga w’amahanga yose.