Zaburi 54 - Kinyarwanda Bibiliya Ntagatifu

Isengesho ryo gutabaza Imana, umucamanza w’intabera

¹ Igenewe umuririmbisha, ikajyana n’inanga z’imirya. Ni inyigisho mu zo bitirira Dawudi.

² Yerekeye iby’igihe abaturage b’i Zifu baje kubwira Sawuli, bati «Dawudi se, ntiyihishe iwacu?»

³ Mana yanjye, girira izina ryawe maze untabare; koresha ububasha bwawe, maze undenganure!

⁴ Rwose, Mana yanjye, umva isengesho ryanjye, utege amatwi amagambo nkubwira!

⁵ Kuko abanyamahanga bampagurukiye, abanyarugomo bakaba bahigiye kunyica: Imana ntibayitayeho na busa. (guceceka akanya gato)

⁶ None Imana ni yo intabaye, Nyagasani ni we wenyine umbereye ikiramiro!

⁷ Abariho bangenza, nabiture inabi bangirira; koresha ububasha bwawe, maze ubatsembe!

⁸ Nzagutura ibitambo mbikuye ku mutima; Uhoraho, nzasingiza izina ryawe, kuko ryuje ineza!

⁹ Koko, wankuye ahaga, utuma ndebana ihinyu abanzi banjye!