Zaburi 142 - Kinyarwanda Bibiliya Ntagatifu

Isengesho ry’umuntu utotezwa

¹ Ni inyigisho iri mu zo bitirira Dawudi, ikaba n’isengesho yaba yaravuze igihe yari yihishe mu buvumo.

² Ndanguruye ijwi ntabaza Uhoraho, ndanguruye ijwi ntakambira Uhoraho.

³ Ndamutekerereza akababaro kanjye, ndamurondorera akaga ndimo.

⁴ Igihe ntakigira icyo nshoboye, ni wowe umenya aho ngana; mu nzira ngendamo bahanteze umutego.

⁵ Reba iburyo, witegereze: nta muntu n’umwe ukimenya! Sinkigira amahungiro, nta n’umwe ukinyitayeho!

⁶ Ndagutakiye, Uhoraho, mvuga nti «Ni wowe bwikingo bwanjye, ni wowe mugabane wanjye ku isi y’abazima!»

⁷ Wite ku miborogo yanjye, kuko ndi inkeho! Nkiza abantoteza, kuko bandusha amaboko.

⁸ Nkura mu buroko, kugira ngo namamaze izina ryawe; maze intungane zizankikize, kuko uzaba wangiriye neza.