Zaburi 138 - Kinyarwanda Bibiliya Ntagatifu

Gushimira Uhoraho ibyiza atugirira

1 Iri mu zo bitirira Dawudi.

¹ Iri mu zo bitirira Dawudi. Uhoraho, ndakogeza n’umutima wanjye wose, ndakuririmbira imbere y’ab’ijuru bose.

² Mpfukamye nerekeye Ingoro yawe ntagatifu, maze nkogeza izina ryawe, kubera impuhwe zawe n’ubudahemuka bwawe, kuko warangije amasezerano yawe, bigatuma ubwamamare bwawe burushaho kugaragara.

³ Umunsi nagutakiye, waranyumvise, maze urampumuriza, unyongerera imbaraga.

⁴ Uhoraho, abami bo ku isi bose bazagusingiza, kuko bumvise amasezerano wivugiye.

⁵ Bazarata inzira z’Uhoraho, bavuga bati «Koko ikuzo ry’Uhoraho ntirigira urugero!

⁶ N’ubwo Uhoraho akomeye bwose, ntabura kwita ku baciye bugufi, naho abirasi akabamenyera kure!»

⁷ N’aho naba mu makuba y’urudubi, urangoboka ukambeshaho; ukubitagura abanzi banjye, maze indyo yawe igatuma mbatsinda.

⁸ Uhoraho azankorera byose! Uhoraho, impuhwe zawe zihoraho ubuziraherezo, ntuzatererane uwo waremesheje ibiganza byawe!