Zaburi 13 - Kinyarwanda Bibiliya Ntagatifu

Isengesho ry’utotezwa

¹ Igenewe umuririmbisha. Ni zaburi iri mu zo bitirira Dawudi.

² Uhoraho, uzahereza hehe kunyibagirwa? Uzampisha uruhanga rwawe kugeza ryari?

³ Nzahereza hehe guhangayika, buri munsi intimba inshengura umutima? Umwanzi wanjye azahereza hehe kunyigambaho?

⁴ Uhoraho Mana yanjye, irebere maze unsubize! Murikira amaso yanjye, hato ntayabumbirako,

⁵ maze umwanzi akigamba avuga ati «Ndamunesheje», n’abandi bandwanya bakishimira ko nabandagaye.

⁶ Uhoraho, jyewe niringiye ubudahemuka bwawe; umutima wanjye nunezezwe n’umukiro wawe, ndirimbire Uhoraho kubera ibyiza yangiriye!