Zaburi 129 - Kinyarwanda Bibiliya Ntagatifu

Uhoraho arwanya abanzi ba Israheli

1 Indirimbo y’amazamuko.

¹ Indirimbo y’amazamuko. Barandwanyije kuva mu buto bwanjye, — ngaho Israheli nibyivugire!—

² barandwanyije kuva mu buto bwanjye, ariko ntibashoboye kuntsinda.

³ Umugongo wanjye bawuciyeho imihora, boshye abahinga umurima.

⁴ Ariko Uhoraho ntarenganya, yacagaguye ingoyi abagome bambohesheje.

⁵ Nibakorwe n’isoni abanga Siyoni bose, maze bihinde basubira inyuma!

⁶ Nibahinduke nk’ibyatsi bimera ku nzu, byo byumirana batarabirandura!

⁷ Ni byo umusaruzi atuzuza mu biganza bye, n’ubihambira ntabikuremo umuba.

⁸ Abahisi ntibakababwire bati «Nimugire umugisha w’Uhoraho, tubasabiye umugisha mu izina ry’Uhoraho.»