Zaburi 126 - Kinyarwanda Bibiliya Ntagatifu

Ibyishimo n’amizero by’abari barajyanywe bunyago

1 Indirimbo y’amazamuko.

¹ Indirimbo y’amazamuko. Igihe Uhoraho agaruye i Siyoni abari barajyanywe bunyago, twabanje kugira ngo turi mu nzozi!

² Ubwo umunwa wacu wuzura ibitwenge, n’ururimi rwacu rutera indirimbo z’ibyishimo. Nuko mu mahanga bakavuga bati «Uhoraho yabakoreye ibintu by’agatangaza!»

³ Koko Uhoraho yadukoreye ibintu by’agatangaza, ni yo mpamvu twasazwe n’ibyishimo!

⁴ Uhoraho, cyura amahoro abacu bajyanywe bunyago, ubazane nk’isumo y’amazi atembera mu butayu.

⁵ Ni koko, umuhinzi ubibana amarira, asarurana ibyishimo.

⁶ Uko agiye, agenda arira, yitwaje ikibibiro cy’imbuto; yagaruka, akaza yishimye, yikoreye imiba y’umusaruro.