Zaburi 125 - Kinyarwanda Bibiliya Ntagatifu

Imana irengera abayiringira

1 Indirimbo y’amazamuko.

¹ Indirimbo y’amazamuko. Abiringira Uhoraho, bameze nk’umusozi wa Siyoni: ntuhungabana, uhoraho iteka.

² Uko Yeruzalemu ikikijwe n’imisozi impande zose, ni ko Uhoraho abumbatiye umuryango we, kuva ubu n’iteka ryose.

³ Nta na rimwe abategetsi b’abagiranabi bazigabiza umugabane w’intungane, ngo intungane na zo zibe zararikira ubukozi bw’ibibi.

⁴ Uhoraho, abeza ubagirire neza, kimwe n’abafite umutima ugororotse.

⁵ Naho abakurikiye inzira zigoramanze, Uhoraho urabigizeyo, kimwe n’abateza abandi ibyago! Amahoro arakaba kuri Israheli!