Zaburi 124 - Kinyarwanda Bibiliya Ntagatifu

Umuvugo ushimira Imana, imaze gukiza Israheli

1 Indirimbo y’amazamuko. Iri mu zo bitirira Dawudi.

¹ Indirimbo y’amazamuko. Iri mu zo bitirira Dawudi. Iyo Uhoraho ataturengera — ngaho Israheli nibyivugire —

² iyo Uhoraho ataturengera, igihe abantu bari baduhagurukiye,

³ baba baratumize bunguri mu mugurumano w’uburakari bwabo.

⁴ Ubwo ngubwo amazi aba yaraturenzeho, umugezi uhurura uba waraduhitanye;

⁵ ubwo ngubwo amazi asuma, aba yaraturenze hejuru!

⁶ Arakarama Uhoraho, we utatugabije amenyo yabo!

⁷ Twararusimbutse nk’inyoni ivuye mu mutego w’umuhigi; umutego waracitse, turarusimbuka!

⁸ Ubuvunyi bwacu buba muri Uhoraho nyirizina, we waremye ijuru n’isi.