Zaburi 123 - Kinyarwanda Bibiliya Ntagatifu

Isengesho ry’umuntu w’insuzugurwa ariko wiringiye Imana

1 Indirimbo y’amazamuko.

¹ Indirimbo y’amazamuko. Nubuye amaso ari wowe ndangamiye, wowe uganje mu ijuru.

² Nk’uko abagaragu bahanga amaso ibiganza bya shebuja, nk’uko umuja adakura amaso ku kiganza cya nyirabuja, ni na ko natwe amaso twayahanze Uhoraho Imana yacu, dutegereje ko ari butugirire impuhwe.

³ Tugirire impuhwe, Uhoraho, tugirire impuhwe, kuko twahagijwe agashinyaguro!

⁴ Tumaze guhazwa agasuzuguro k’abirasi n’agashinyaguro k’abikuza.