Zaburi 121 - Kinyarwanda Bibiliya Ntagatifu

Uhoraho ni umuvunyi w’umuryango we

1 Indirimbo y’amazamuko.

¹ Indirimbo y’amazamuko. Amaso nyahanze impinga y’imisozi: mbese nzatabarwa n’uvuye he?

² Ubuvunyi bwanjye buturuka kuri Uhoraho waremye ijuru n’isi.

³ Ntazareka intambwe zawe zidandabirana, umurinzi wawe ntasinziriye.

⁴ Oya, umurinzi wa Israheli ntasinziriye, ntanahunyiza.

⁵ Uhoraho ni we murinzi n’ubwikingo bwawe, ahora akurengera mu rugendo.

⁶ Bityo ntuzicwa n’izuba ry’amanywa cyangwa umwezi wa nijoro.

⁷ Uhoraho azakurinda ikibi cyose, anakurindire amagara yawe.

⁸ Ni koko, Uhoraho azakurinda, kuva uhagurutse kugeza uhindukiye, uhereye ubu n’iteka ryose.