Zaburi 120 - Kinyarwanda Bibiliya Ntagatifu

Ababeshyera abandi bazahanwa bikaze

1 Indirimbo y’amazamuko

¹ Indirimbo y’amazamuko Igihe nari mu kaga natakambiye Uhoraho, maze na we aranyumva.

² Uhoraho, urandinde abantu babeshya, kandi bakarahira ibinyoma!

³ Nk’ubwo se Imana izabahanisha iki, mwebwe, murahira ibinyoma?

⁴ Izabahanisha imyambi yo ku rugamba, yatyarijwe ku makara y’umugenge.

⁵ Mbega ibyago ngira byo gutura mu banyamahanga, no gutura rwagati mu bagome!

⁶ Natuye igihe kirekire mu bantu banga amahoro;

⁷ maze naba mvuze amahoro, bo bagashoza intambara.