Zaburi 112 - Kinyarwanda Bibiliya Ntagatifu

Amahirwe y’umuntu wubaha Imana

¹ Alleluya! Hahirwa umuntu utinya Uhoraho, agahimbazwa n’amategeko ye!

Alefu Beti Gimeli

Gimeli

² Urubyaro rwe ruzagira amaboko mu gihugu, ubwoko bw’abantu b’intungane bugire umugisha.

Daleti He

He

³ Ubukungu n’umunezero bibarizwa iwe, n’ubutungane bwe buhoraho iteka.

Vawu Zayini

Zayini

⁴ Mu gihe cy’umwijima, yaka nk’urumuri, rumurikira abantu b’intagorama. Koko impuhwe, ineza n’ubutungane, ni byo bimuranga.

Heti Teti

Teti

⁵ Hahirwa umuntu ugira impuhwe, kandi akaguriza abandi, ibintu bye aba abigengana ubutungane.

Yodi Kafu

Kafu

⁶ Nta bwo azigera ahungabana bibaho, azasiga urwibutso rudasibangana.

Lamedi Memu

Memu

⁷ Ntakangaranywa n’ibihuha bibi, akomeza umutima akiringira Uhoraho,

Nuni Sameki

Sameki

⁸ umutima we uhora mu gitereko, ntagire icyo yikanga, agashobora kwirebera uko abanzi be bigorerwa.

Ayini Pe

Pe

⁹ Agira ubuntu, agaha abakene ataziganya; ubutungane bwe bugahoraho iteka, akagendana ishema n’ubwemarare.

Tsade Kofu Reshi

Reshi

¹⁰ Umugomeramana, iyo amubonye, arajiginywa, agahekenya amenyo, agashenguka; ibyifuzo by’abagomeramana biburiramo.