Zaburi 111 - Kinyarwanda Bibiliya Ntagatifu

Umuvugo urata Imana idahemuka kandi igira ubuntu

¹ Alleluya! Nzasingiza Uhoraho n’umutima wanjye wose, mu nteko y’intungane no mu ikoraniro rusange.

Alefu Beti Gimeli

Gimeli

² Ibyo Uhoraho yakoze biratangaje, ababyitayeho bose bahugukira kubizirikana.

Daleti He

He

³ Ibikorwa bye birangwa n’ubwiza n’ubudasumbwa, kandi ubutungane bwe bugahoraho iteka.

Vawu Zayini

Zayini

⁴ Yashatse ko bagenda bibukiranya ibitangaza bye, Uhoraho ni umunyaneza n’umunyampuhwe.

Heti Teti

Teti

⁵ Abamwubaha abaha ibibatunga, akibuka iteka Isezerano rye.

Yodi Kafu

Kafu

⁶ Umuryango we yaweretse ibikorwa bye bihambaye, igihe awugabiye ayandi mahanga ho umunani.

Lamedi Memu

Memu

⁷ Ibyo akora byose birangwa n’ukuri n’ubutungane, amategeko ye yose akwiye kwiringirwa.

Nuni Sameki

Sameki

⁸ Yashyiriweho abo mu bihe byose kandi ku buryo budasubirwaho, akaba agenewe kubahirizwa nta buryarya n’ubuhemu.

Ayini Pe

Pe

⁹ Uhoraho yazaniye umuryango we ikiwubohora, agena rimwe rizima imiterere y’Isezerano rye. Izina rye ni ritagatifu, kandi rigatera ubwoba.

Tsade Kofu Reshi

Reshi

¹⁰ Intangiriro y’ubwenge ni ugutinya Uhoraho; abagenza batyo bose ni bo inararibonye. Ibisingizo bye bizahoraho iteka ryose.